Twitter vlen 7.7 miliardë dollarë

Një ankand i fundit i Twitter në tregun sekondar, sugjeron se investuesit e vlerësojnë me 7.7 miliardë dollarë (5.5 miliardë euro) këtë kompani, që është dyfishi i vlerës së caktuar në dhjetor.

Në fakt, investuesit janë pajtuar të paguajnë 34.5 milionë dollarë për disa aksione të Twitter në ankandin e drejtuar nga Sharepost.

Megjithatë, sipas Sharepost, kërkesa e aksionarëve të Twitter (që janë 35.000) për këtë pjesë kishte qenë shumë më e lartë sesa vlera reale, ndërkaq sipas përllogaritjes së përgjithshme, Twitter vlen 7.7 miliardë dollarë

Në dhjetor 2010, vlera e Twitter konsiderohej 3.7 miliardë dollarë, ndërsa asokohe kompania Kleiner Perkins Caufield & Buyers investoi 200 milionë dollarë në këtë kompani.