Google Chromebooks nga Acer dhe Samsung mund të paraporositen përmes Amazon dhe BestBuy.
“Asgjë përveq web-it: Samsung & Acer #chromebooks mund të paraporositen nga @Amazon dhe @BestBuy në Amerikë.” cicëroi sot Google në Twitter.
Acer Cromia 3G është në shitje për $449.99 ndërsa versioni Wi-Fi mund të blehet për $379.99. Specifikat e netbook-ut janë ekrani 11.6inch, 16GB hard drive, 1.66GHz procesor, 64MB ram, 2 porta USB dhe bateri që mund të qëndrojë deri në 6 orë.
Samsung Series 5 3G kushton $499.99 ndërsa versioni Wi-Fi kushton $429.99. Specifikat e tij janë: ekran me rezolucion 1.280 x 800 piksela, 2GB memorje, 16GB hard drive, 1.66GHz Intel Atom procesor, 2 porta të USB dhe mban baterinë 8.5 orë.
Chromebook pritet të sjellin risi në tregun e netbook-ave për shkak të sistemit të tyre operativ, Chrome OS i cili bazohet në web dhe në web aplikacione.
Çka mendoni ju, a ia vlen të blehet një llaptop i tillë? A do të bleni ju një të tillë?
Post a Comment