Google ka lëshuar rrjetin e tij social, në një përpjekje për të sfiduar Facebook-un me një shërbim që lidh së bashku të gjitha faqet e saj ekzistuese të tilla si Gmail.
Google+ është strukturuar në një mënyrë të ngjashme me Facebook. Megjithatë, miqtë e përdoruesit ose kontaktet grupohen në rrethe specifike të zgjedhjes së tyre.
Shefi ekzekutiv i Google, Larry Page, ka bërë rrjetin social një prioritet për motorin e kërkimit numër një në botë, pozicioni si porta kryesore e të cilit po vihet në rrezik nga njerëzit që qëndrojnë më shumë në Facebook dhe Twitter.
Por të tërheqësh konsumatorët në një tjetër rrjet social nuk do të jetë e lehtë, pasi beteja me Facebook-un do të jetë e vështirë, falë më shumë se 700 milionë përdoruesve të rrjetit social.
Përdoruesit në rrjetin social të Google mund të organizojnë miqtë e tyre në rrathë të ndryshëm sipas dëshirës - anëtarët e familjes, miqtë e universitetit, bashkëpunëtorët - dhe mund të ndajnë foto, video dhe informacione të tjera me ato grupe.
Google+ u zbulua në një edicion të limituar beta këtë javë. /albeu.com/
Shikoni videon:
Post a Comment