Përveç modeleve të prezantuara në CES, Panasonic ka lënë edhe disa befasi dhe ka prezantuar katër modele të reja nga seria e vet Lumix. Më interesanti me siguri është Lumix ZS20 – për të cilin Panasonic totë që me trashësinë e tij prej rreth 2,7 cm, është fotoaparati më i hollë me zoom optik 20x (24-480mm). Përveç kësaj ka edhe senzorin me 14 megapixelë, incizim të videos 1080p/60 fps dhe shkrepje të vazhdueshme me 10 fps, GPS dhe geotaging, kontrollet manuale dhe shumë gjëra të tjera. Bashkë me të është prezantuar edhe modeli Lumix ZS15, i cili ka senzor më të vogël prej 12 megapixelësh, zoom 16x dhe mundësi të incizimit të videos me rezolucion 1080i/60fps. ZS15 për këtë arsye është më i lirë për rreth 70 dollarë në krahasim me modelin më të avancuar i cili kushton 350 dollarë. Do të jenë në disponim prej marsit.
Është freskuar edhe linja e aparateve rezistente kështu që tani arrin Lumix TS4 me senzor me 12 megapixelë, zoom optik 4,6x, incizim të videos HD me 1080i/60fps, është rezistent nga rëniet nga lartësia prej 2 metrash, rezistent ndaj ujit deri në thellësi prej 12 merash, ka GPS të integruar, matës të lartësisë, kompas dhe kontrolle të avancuara në krahasim me paraardhësin e shpërblyer mirë – TS3. Për të do të duhet të ndani 400 dollarë, ndërsa për gjysmën e këtij çmimi mund të blihet modeli TS20 me specifikime të ngjashme por më pak impresive. /koha/kekompjuter/
Post a Comment