Adoleshentët amerikanë dërgojnë deri në 60 mesazhe telefonikë në ditë dhe tendenca është e njëjtë në të gjitha vendet e zhvilluara, bëri të ditur një studim i publikuar në një revistë në SHBA.
Në krahasimin e mëparshëm, të realizuar në vitin 2009, i fokusuar në grupmoshën 14-17 vjeç, mesatarja kishte qenë 50 mesazhe.
“Adoleshentët janë komunikuesit më të mëdhenj. Kjo është një tendencë që nuk mund të shmanget”, shkruan studimi.
“Kalimi nga fëmijëria në moshë të rritur realizohet duke komunikuar me një larmi njerëzish, duke nisur nga shokët, të njohurit, prindërit, mësuesit, të rritur të tjerë, shkolla dhe institucione”.
Për të realizuar sondazhin, në të gjithë Shtetet e Bashkuara të Amerikës u zgjodh një kampion prej disa qindra të rinjsh, të cilët u monitoruan në një periudhë disa javore, transmeton TCH.
Megjithatë, rritja e numrit të mesazheve të dërguar në ditë nuk i detyrohet eksluzivisht rritjes së aftësive komunikuese midis adoleshentëve, por kryesisht përmirësimit të teknologjisë së telefonisë celulare, që e ka bërë gjithmonë e më të thjeshtë dhe gjithmonë e më pak të kushtueshëm komunikimin./koha/kekompjuter/
Post a Comment