Çka do të na sjellë Samsung Galaxy S3?

Para disa ditësh në kongresin botëror për telefona celular janë publikuar çmimet për telefonat më të mirë në vitin 2011, ndërsa titullin e telefonit më të mirë të mençur e fitoi “Samsung” me modelin e tij Galaxy S2, i cili kështu e la pas vetes iPhone 4S.

Që tani të gjithë e kanë të qartë se ky vit do të ofrojë “luftë” të pakompromis ndërmjet konkurrentëve dhe se do të paraqiten modele të reja, dhe që tani janë paralajmëruar pajisje si HTC One X dhe Nokia Lumia 900 dhe se mund të presim paraqitjen e numrit të madh “të egërsirave” me procesorë katërbërthamësh.

Por është më se e sigurt se beteja më e madhe për telefonin më të mirë të mençur për vitin 2012 do të zhvillohet ndërmjet iPhone 5 dhe Samsung Galaxy S3.

Ekran i shkëlqyeshëm 4.8 inç HD

Për telefonin e “Apple-s” tashmë “i dimë” të gjitha, ndërsa tani janë paraqitur spekulime rreth Samsung Galaxy S3 dhe të gjithë janë duke pritur shumë nga pasardhësi i telefonit më të mirë për vitin 2011.

Sipas këtyre pohimeve, të cilat janë publikuar në faqen “Boy Genius Report”, “smartphone” i ri i “Samsung-ut” do të ketë harduer fantastik, ekranin e madh 4.8 inç HD, 1.5 GHz procesorin katërbërthamësh dhe 2GB RAM.

Do të bëhet fjalë edhe për versionin e fundit të Android-it (Ice Cream Sandwich) dhe do të ketë kamerën 8 MP me të cilën do të mund të realizojë video të dhëna në HD dhe do ta ketë dhe kamerën e parme prej 2MP për “video chat”.

Optimizmi dhe implementimi i sistemit operativ

Natyrisht, gjithmonë duhet të kihet parasysh që për punë të shpejtë dhe efektive të një pajisje nuk është i rëndësishëm vetëm numri i bërthamave dhe shpejtësia e procesorit, por edhe optimizmi dhe implementimi i sistemit operativ. Këtë veçanërisht e potencojnë në “Microsoft”, Windows Phone-t e të cilëve edhe pse e kanë një bërthamë punojnë shpejt dhe shkëlqyeshëm.

Megjithatë, kur “Samsung” dhe seria e tij Galaxy S janë në pyetje, mund të supozojmë se performancat e tyre janë të shkëlqyeshme, m’u sikur edhe performancat e Galaxy S2. Ende nuk është bërë e ditur kur telefoni i ri nga “Samsung” do të paraqitet në treg, dhe edhe pse disa spekulime thoshin se ai në prill do të paraqitet, nga kjo kompani e demantuan këtë informacion duke pohuar se data e saktë ende nuk është përcaktuar dhe se atë do ta publikojnë në “Twitter” kur për këtë të vjen koha./zeri/kekompjuter/