Këto ditë “Facebook” zyrtarisht ka lëshuar aplikacionin e vet Messenger për desktopët që e kanë sistemin Windows. Ky klient ua mundëson që të bisedoni vazhdimisht, të pranoni lajmërime dhe t’i lexoni përditësimet nga desktopi juaj. Shumë shpejt pritet edhe versioni për Mac.
“Për ju që keni ‘Mac’, ne tani jemi të zënë duke punuar në Messengerin për ‘Mac’. Rrini të lidhur”, pohuan nga “Facebook”. Facebook Messenger për Windows mund të shkarkohet në internet për Windows 7 dhe ai do të reklamohet tek përdoruesit e Windows përgjatë tërë botës në javët e ardhshme. Duhet përmendur këtu se Facebook Chat ka qenë mjaft i popullarizuar në gjerësi.
Faqja e Messenger Live i “Microsoft” që ua mundëson përdoruesve të bisedojnë në chatin e rrjetit “Facebook”, të lexojnë përditësime nga shokët dhe të shpërndajnë teknikisht, sipas “App Data”, është aplikacioni më i popullarizuar i rrjetit “Facebook”, me 22.4 milionë përdorues aktivë mujorë dhe diku rreth 19.1 milionë përdorues aktivë ditorë.
Messenger për Windows do të mund të ishte i përdorshëm atje ku nuk ka Hotmail, SkyDrive ose veçori të tjera të “Microsoft-it” për t’i bezdisur përdoruesit./zeri/kekompjuter/
Post a Comment