Manipulimi i telefonit mobil përmes shtërngimit.

Në panairin CEATEC (Combined Exhibition of Advanced Technologies) operatori mobil japonez NTT DoCoMo ka prezantuar teknologjinë për interfejsin i cili bazohet në “shtrëngimin” e dorës.Interfejsi i quajtur Grip UI shfrytëzohet në telefonat mobilë “të mençur” të cilët kanë anash senzorët për shtypje. Telefoni do të duhej të ketë edhe ekran të zakonshëm të ndjeshëm në prekje, por shfrytëzuesit do të mund të shtrëngojnë pajisjen në vende të caktuara për të startuar aplikacione të ndryshme, për të lëvizur nëpër meny, apo për të ekzekutuar ndonjë punë tjetër.

Një prej qëllimeve më të rëndësishme të interfejsit Grip UI është t’u jepet mundësia shfryëtzuesve që të shfrytëzojnë pajisjen me vetëm një dorë. Telefonat e rinj të “mençur” kanë ekrane gjithnjë më të mëdha, për ç’arsye është shumë e vështirë të shfryëtzohen me një dorë. DoCoMo tani për tani nuk ka plane për shfrytëzim komercial të kësaj teknologjie.