Ka shumë thashetheme këtyre ditëve rreth produkteve të Apple-s – iPhone 5, modelet e reja të MacBook Air, ardhja e Lion, ndërsa këtyre do t’u bashkohet edhe një tjetër, iPad HD. Sipas informatave që të martën janë paraqitur në internet, Apple është duke punuar në versionin e përparuar të iPad-it, i cili do të quhet iPad 2 Plus apo iPad HD.
Edhe pse për momentin nuk ka aq shumë detaje, është mësuar se kjo pajisje do të ketë rezolucion dyfish më të madh të ekranit në krahasim me modelin aktual (2048 x 1536 piksel) dhe nuk do ta zëvendësojë iPad 2 por do të shitet së bashku me të, diçka ngjashëm si MacBook dhe MacBook Pro.
Thuhet se Apple këtë model të tablosë ua ka dedikuar përdoruesve ‘profesionistë’ dhe përkrah tij do të prezantojë edhe versionet e tablove Final Cut dhe Aperture. iPad-in e ri e presim shumë shpejt dhe Apple pritet ta prezantojë së bashku me iPhone-in e ri gjatë shtatorit, kështu që të gjithë adhuruesit e kompanisë së Jobs-it, tashmë me padurim mund të numërojnë ditët deri te kjo ngjarje, nga e cila presim shumë./zëri/kekompjuter.
Post a Comment