Windows XP përkrahet vetëm deri në vitin 2014

Microsoft vazhdoi fushatën e vet gjatë të hënës për t’i bindur përdoruesit e sistemit operativ Windows XP që të fillojnë ta përdorin sistemin më të ri nga kjo ndërmarrje, që është Windows 7.

Windows XP ka 10 vite që ka dalur dhe ende është duke u përdorur mjaft shumë. Kështu që Microsoft ua përkujtoi përdoruesve që mbështetja për këtë sistem operativ do të mbarojë për më pak se 1,000 ditë.

Kjo po i bie që edhe 2 vjet e nëntë muaj nga tani, pra deri në vitin 2014.

“A nuk do të ishte mjaft e mirë nëse ditët e lavdishme do të zgjatnin përgjithmonë? Por e vërteta është që trofetë pluhurosen, rekordet thyhen dhe ai që mbeti si më i miri për 10 vite nuk është i mjaftueshëm për kushtet e sotshme.” Shkruajti Stephen Rose nga Microsoft, në një postim në blog gjatë të hënës.

“Gjërat përmirësohen, shpejtohen. Dhe eventualisht, është koha për shpërngulje nga mirësia e mjaftueshme në diçka më të mirë.”

Mbështetja për XP zyrtarisht do të mbarojë më 8 prill 2014, kur arnimet e sigurisë për të gjithë versionet do të ruhen.

Sipas Rose, ajo lajmëroi që tani janë shitur 400 milionë licensa të Windows 7, që nga lëshimi i këtij sistemi në tetor 2009