Pasi që shumicën e kohës në kompjuter e kalojmë duke shfrytëzuar browserin e Internetit, Mozilla e mendon të arsyeshme që të integrojë në Firefox mundësinë e bërjes së videobisedave.
Në konferencën IETF 83 në Paris, Mozilla ka demonstruar implementimin e WebRTC – komponentit HTML5, i cili mundëson biseda zanore dhe video, si dhe këmbim të fajllave. Për të shfrytëzuar sistemin përdoret Social API i Mozillës, ndërsa për dallim prej web zgjidhjeve të tjera, sistemi për videobiseda të cilin e ka demonstruar Mozilla nuk kërkon kurrfarë pluginësh shtesë.
Akoma nuk është përcaktuar nëse mundësia e kryerjes së videobisedave do të përfshihet në ndonjërin nga versionet e ardhshme të Firefoxit. Edhe lojtarët e tjerë në këtë fushë, Microsoft, Google dhe Opera kanë theksuar përkrahjen për standardin WebRTC./koha/kekompjuter/
Post a Comment